- BOV Mobile 79096249
Minkejja l-marda tal-ALS, din il-koppja ma tistax ma tiggustahomx
Meta Bjorn u Maria kienu qed jipreparaw biex jiftħu DAR Bjorn ta’ Ħal Qormi, jsibu ma’ wiċċhom lil Pawlu. Bjorn jirakkonta kif dakinhar Pawlu kien imbikkem u b’dieqa ta’ qalb jitkellem dwar il-marda li ħakmet lil martu Josephine. Pawlu kien sema bil-marda ta’ Bjorn minn fuq Xarabank u ra li din kienet tixbah lil dik ta’ martu.
Josephine, għamlet 40 sena taħdem bhala infermiera u għenet lil ħafna nies. F’intervista li kienet saret ma’ Josephine kienet qalet, “Għint lil ħafna nies u issa hemm bżonn minn jgħin lili”. L-ewwel sintomi li bdiet tħoss Josephine kienu għejja f’idejha tax-xellug u l-forza bdiet tonqsilha.
“Naċċetta r-rigal li ried jagħtini l-bambin. M’hemmx x’tagħmel” tgħid Josephine fuq il-marda tagħha. Marda li ġiegħlitha tkun dipendenti fuq żewġha Pawlu. Josephine kienet tiddeskrivi ruħha bhala tarbija għax daqhekk kienet dipendenti. Din kienet xi ħaġa li psikoloġikament bdiet taffetwa ħafna l-familja u żewġha Pawlu.
Xħin daħlu f’DAR Bjorn, Josephine tistqarr li, “Ġejna u sibna l-barka t’Alla kollha”. F’DAR Bjorn, Josephine sabet min jista’ jieħu ħsibha, min jagħmilha t-terapija meħtieġa, min jitmaha u jara li qiegħda f’saħħitha. Pawlu seta jgawdi lil martu mill-ġdid billi jiġi jżurha u jara li ma jonqosha xejn.
Illum Pawlu u Josephine qed jiċċelebraw l-48 sena tagħhom miżżewġin. Żewġ amorini li jinħabbu daqs li kieku għadhom ser jiżżewġu. Minkejja d-diffikultajiet li l-marda tal-ALS ġabet fuq din il-koppja, xorta jikkomunikaw u jieħdu ħsieb xulxin.
Bl-eFundraiser li għamilna, tista’ tagħti rigal fl-anniversarju ta’ Josephine u Pawlu u l-flus li jinġabru jmorru kollha b’risq DAR Bjorn, sabiex inkunu nistgħu nkomplu ngħinu persuni bhal Josephine jiksbu l-indipendenza tagħhom u jgħixu ħajja diċenti bl-ALS.
Jew inkella tista’ tibgħat donazzjoni b’SMS fuq 50618936 (€6.99)
News
Nhar is-sibt tellajna ‘The Neriku Jacket Handover Awards Ceremony’ biex nippremjaw nies tant għal qalbna li għinuna tul dawn l-aħħar snin. Kull rebbieħ kellu storja ħelwa xi jgħid dwar l-espejenzi taghħom bħala voluntiera.
READ MORENews
Niki (Nicholas) magħruf bħala l-‘Malti tal-kappell.’ Hu għex diversi postijiet kemm f’Malta u anke barra, saħansitra kien mal-Marines fl-Amerika u ħadem mal-kumpanija Siemens fi żmienu fl-Ingilterra.
READ MORENews
L-4 ta’ Mejju 2023 kienet data ferm importanti fil-karriera tant ambizzjuża ta’ Bjorn Formosa. F’dawn is-seba’ snin ta’ ħadmien, hu fetaħ l-ALS Malta, DAR Bjorn f’Ħal Qormi u għen mijiet ta’ persuni b’kundizzjonijiet newroloġiċi. F’dan il-lejl tant speċjali, wetter xewqa oħra hekk kif l-ALS Malta setgħet ‘tgħin aktar’ grazzi għall-ftuħ tat-tieni DAR Bjorn, did-darba f’Ħaż-Żebbuġ.
READ MOREWe aim to assist the current national neurological population with a state-of-the-art solution.
Subscribe to this mailing list and you will receive updates on the various events ALS Malta organises from time to time